Project Description

Mikilvægur hlekkur í þróun og uppbyggingu fiskmjölsverksmiðjanna

Héðinn á ríkan þátt í þróun og uppbyggingu þeirra tíu fiskmjölsverksmiðja sem starfa hér á landi. Að baki býr áratuga farsælt samstarf sem hefur stuðlað að aukinni hagkvæmni, rekstraröryggi, orkusparnaði og verðmætari afurðum.

Sjávarútvegsfyrirtækin hafa í gegnum tíðina falið sérfræðingum Héðins heildarumsjón með nýsmíði, endurbótum og breytingum fiskmjölsverksmiðjanna. Innan Héðins hefur orðið til mikil þekking á ferlinu við framleiðslu á mjöli og lýsi, þekking sem byggist á samvinnu, trausti og gagnkvæmum áhuga á að gera sífellt betur. Þessi þekking var kveikjan að þróun og smíði HPP – Héðinn Protein Plant – sem er nýtt ferli við framleiðslu á lýsi og mjöli jafnt á sjó sem landi.

Héðinn þjónustar þannig tvær framleiðsluaðferðir á þessu sviði, hina hefðbundnu og HPP. Mikil gróska er hjá fiskmjölsframleiðendum um land allt og víða verið að ráðast í stórfellda uppbyggingu og endurbætur. Sem dæmi má nefna að hjá Síldarvinnslunni í Neskaupstað er verið að endurnýja stóran hluta hinnar hefðbundnu fiskmjölsverksmiðju fyrirtækisins og samhliða verið að setja upp nýja HPP verksmiðju.

HPP – Héðinn Protein Plant

Héðinn hóf árið 2010 þróun nýrrar nálgunar við framleiðslu á mjöli og lýsi með áherslu á að minnka orkunotkun og umfang starfseminnar og skila verðmætari afurðum. Afraksturinn er HPP – Héðinn Protein Plant – sem notar 30% minni orku, tekur 30% minna pláss og hefur 30% færri framleiðslueiningar.

Lagt var upp með að geta boðið HPP með mismunandi afkastagetu, sem þó byggir að öllu leyti á sömu grunnhönnun. Ennfremur að HPP gæti jafnt verið starfrækt á sjó og landi. Fyrsta HPP verksmiðjan á sjó var tekin í notkun í Sólbergi ÓF árið 2017.

HPP framleiðsluferillinn byggir á því að vökvinn er ekki pressaður úr hráefninu í forvinnslunni, heldur er stuðst við tveggja þrepa gufuþurrkun með rafmagni. Allt ferlið verður einfaldara, orkuþörf minnkar og búnaðurinn þarf minna pláss. Fyrir vikið hentar HPP til sjós, sem leiðir til 100% fullnýtingar á því hráefni sem fer um borð. Fyrsta fullbúna HPP verksmiðjan gat unnið úr 7 tonnum af hráefni á sólarhing, en sú nýjasta úr 380 tonnum. Stærsta verksmiðjan á sjó til þessa getur afkastað 100 tonnum á sólarhring og er um borð í frystitogaranum North Star sem gerður er út frá Alaska.

HPP verksmiðjan byggir á mikilli sjálfvirkni og fjarvöktun. Að jafnaði þarf mannshöndin aðeins að koma að sekkjun mjöls og lýsis meðan á framleiðslu stendur. HPP er hönnuð til að skila gæðamjöli með lághitaþurrkun og fiskolíu í hæsta gæðaflokki.

Vefsíða HPP: proteinplant.is

Mjöl- og lýsisframleiðendur á Íslandi

  • Síldarvinnslan – Neskaupsstað
  • Síldarvinnslan – Seyðisfirði
  • Loðnuvinnslan – Fáskrúðsfirði
  • Brim – Vopnafirði
  • Brim – Akranesi
  • Ísfélag Vestmannaeyja – Þórshöfn
  • Ísfélag Vestmannaeyja – Vestmannaeyjum
  • Vinnslustöðin – Vestmannaeyjum
  • Skinney Þinganes – Höfn, Hornafirði

TENGILIÐIR

Óskar Kúld Pétursson
Óskar Kúld PéturssonDeildarstjóri
Netfang: oskar@hedinn.is
Símanúmer: 660 2128
Ólafur Guðlaugsson
Ólafur GuðlaugssonRáðgjöf og hönnun
Netfang: oli@hedinn.is
Símanúmer: 660 2115
Eiríkur Böðvarsson
Eiríkur BöðvarssonRáðgjöf og hönnun
Netfang: eirikur@hedinn.is
Símanúmer: 660 2133

Sendu okkur línu

Fylltu út formið

Takk fyrir að hafa samband við Héðinn. Við munum hafa samband fljótlega.
Því miður kom upp villa þegar þú sendir skilaboðin. Vinsamlegast reyndu aftur síðar.