Matthías Stephensen hefur verið ráðinn fjármálastjóri Héðins. Matthías starfaði áður hjá Arion banka frá 2011, síðast sem forstöðumaður rekstrar og sölu á viðskiptabankasviði, ásamt því að vera innlánastjóri bankans. Héðinn er leiðandi fyrirtæki í málmiðnaði og véltækni og sinnir fjölbreyttri þjónustu við sjávarútveg, stóriðjufyrirtæki og orkuframleiðendur. Fyrirtækið var stofnað árið 1922 og fagnar því aldarafmæli á þessu ári.
Matthías er með B.S gráðu í viðskiptafræði, með áherslu á reikningshald og fjármál fyrirtækja, frá Háskóla Íslands og meistaragráðu í sama fagi. Ráðgjafafyrirtækið Góð samskipti valdi Matthías fyrr á þessu ári á lista yfir 40 öfluga stjórnendur í viðskiptalífinu 40 ára og yngri
„Við fögnum því að fá svona góðan liðsstyrk við okkur hjá Héðni. Fyrirtækið sinnir fjölbreyttum viðskiptahópi innanlands og utan og reynsla Matthíasar mun nýtast vel í þeim störfum,“ segir Rögnvaldur Einarsson, framkvæmdastjóri Héðins.
Matthías tók við starfinu af Maríu Jónsdóttur en hún er orðin fjármálastjóri HPP Solutions ehf. sem var hluti af fram til síðustu áramóta.