Olíutankur á Skagaströnd
Tankar
Stórir geymslutankar hafa verið á verkefnaskrá Héðins allt frá upphafi.
Árið 1927 réðust Héðinn og Hamar í stærsta verkefni sem íslenskar vélsmiðjur höfðu tekið að sér fram að þeim tíma. Var þetta smíði olíugeyma fyrir nýja olíugeymslustöð Shell HF sem reis við Skerjafjörð. Verkið hófst í júní þetta ár og var nær lokið í desember. Fimmtíu til hundrað manns unnu að því daglega. Reistir voru þrír stórir olíutankar og aðrir minni. Allir naglar í tönkunum voru lofthnoðaðir og samskeyti járnþynnanna loftgreypt. Voru notuð „nýtízku þéttiloftstæki“ eins og segir í samtímaheimildum um þessar umfangsmiklu framkvæmdir.
Héðinn hefur reist mjölgeyma um allt land, á Fáskrúðsfirði, Eskifirði, Norðfirði, Seyðisfirði og Akranesi auk fjölda geyma í Noregi.
Olíutankur á Skagaströnd Myndirnar eru teknar á Skagaströnd 1947 og sýna nýsmíðaðan olíugeymi ásamt vinnubúðum starfsmanna Héðins sem þá héldu til í tjöldum eins og tíðkaðist gjarnan. Hægri myndin sýnir starfsmenn Héðins raða sér í stiga olíutanksins að verki loknu. Ljósmyndir: Höfundur óþekktur/Héðinn
Olíutankur á Skagaströnd Myndirnar eru teknar á Skagaströnd 1947 og sýna nýsmíðaðan olíugeymi ásamt vinnubúðum starfsmanna Héðins sem þá héldu til í tjöldum eins og tíðkaðist gjarnan. Hægri myndin sýnir starfsmenn Héðins raða sér í stiga olíutanksins að verki loknu. Ljósmyndir: Höfundur óþekktur/Héðinn
Mikil mannvirki Frá tankasmíði á Laugarnesi á sjötta áratug síðustu aldar. Þetta eru mikil mannvirki og tímafrek í smíðum. Þótt þessi mannvirki hafi í eðli sínu lítið breyst hefur tæknin við byggingu þeirra tekið ýmsum breytingum gegnum tíðina. Á þessum myndum má meðal annars sjá heimagerða aðferðafræði Héðinsmanna ásamt þeirri stemningu sem löngum hefur fylgt þessum verkefnum. Sum eru með þeim allra stærstu sem fyrirtækið hefur tekið að sér. Ljósmyndir: Höfundur óþekktur/Héðinn
Mikil mannvirki Frá tankasmíði á Laugarnesi á sjötta áratug síðustu aldar. Þetta eru mikil mannvirki og tímafrek í smíðum. Þótt þessi mannvirki hafi í eðli sínu lítið breyst hefur tæknin við byggingu þeirra tekið ýmsum breytingum gegnum tíðina. Á þessum myndum má meðal annars sjá heimagerða aðferðafræði Héðinsmanna ásamt þeirri stemningu sem löngum hefur fylgt þessum verkefnum. Sum eru með þeim allra stærstu sem fyrirtækið hefur tekið að sér. Ljósmyndir: Höfundur óþekktur/Héðinn
Frá A til Ö Árið 1996 var ráðist í heildarendurbyggingu fiskimjölsverksmiðju Haraldar Böðvarssonar á Akranesi og Faxamjöls (Granda) í Reykjavík. Héðinn sá um bæði verkefnin allt frá frumhönnun til uppkeyrslu og prófana. Þessar myndir gefa hugmynd um þróun verksmiðjunnar á Akranesi í áranna rás. Ljósmynd: Guðmundur S. Sveinsson/Héðinn
Tankar innanlands og utan Stórvirki í smíði mjölgeyma um aldamótin 2000. Héðinn reisti mjölgeyma á Fáskrúðsfirði, Eskifirði, Norðfirði, Seyðisfirði og Akranesi auk fjölda geyma í Noregi. Ljósmynd: Guðmundur S. Sveinsson/Héðinn
Tankar innanlands og utan Stórvirki í smíði mjölgeyma um aldamótin 2000. Héðinn reisti mjölgeyma á Fáskrúðsfirði, Eskifirði, Norðfirði, Seyðisfirði og Akranesi auk fjölda geyma í Noregi. Ljósmynd: Guðmundur S. Sveinsson/Héðinn
Árið 2008 var samið við HB Granda um flutning fiskimjölsverksmiðju fyrirtækisins, sem stóð í Örfirisey, til Vopnarfjarðar. Myndin sýnir þegar tankar verksmiðjunnar voru sjósettir í Reykjavíkurhöfn árið 2009 og siglt svo eins og leið lá austur. Þetta athæfi þóttu sumum firn mikil og ógæfulegt í alla staði. Höfðu reyndir skipstjórnarmenn samband við forsvarsmenn Héðins og vöruðu sterklega við þeim fyrirætlunum að ætla sér að sigla þessum háreistu mannvirkjum hálfa leið kringum landið. Þeim þótti þetta ekki boða gott og spáðu að öllu galleríinu myndi hvolfa strax við hafnarkjaftinn. Þeir spádómar rættust ekki og komust tankarnir heilir á leiðarenda. Þróunarstjóri Héðins, Gunnar Pálsson, var í miklu og nánu sambandi við Einar Sveinbjörnsson veðurfræðing fyrir flutning tankanna. Einar lagðist í djúpar pælingar um hvenær ætti að sigla og þá hvort ætti að sigla suður- eða norðurleiðina. Gerði hann meðal annars ölduspár og var nokkurs konar guðfaðir Héðins í endanlegri ákvörðun um hvenær skyldi hefja sjóferðina.
Tankar sjósettir. Ljósmynd: Ólafur Hauksson/Héðinn
Norsku tengslin Sumarið 2022 fékk norska félagið Pelagia AS Héðin til að stýra því þegar mjöltankar í Grønehaugen, við Egersund á suðvestur-strönd Noregs, voru felldir og fluttir á flotpramma yfir fjörðinn til Ryttervik. Þar á að breyta þeim í tanka fyrir fiskolíu. Hver tankur er 80 tonn, 30 metra að hæð og 7,6 metrar að þvermáli. Myndin sýnir vinnu við að taka tankana niður og undirbúa þá fyrir flutning yfir fjörðinn. Ljósmynd: Live Spurkland/Héðinn
Á myndinni eru Gunnar Magnússon til vinstri, og Sigurður Ingimundarson, Rolls-Royce-vélasérfræðingar Héðins á þeim tíma, við gírupptekt í togara. Verkefni af þessari gerð hafa leikið stór hlutverk í 100 ára sögu Héðins. Ljósmynd: Ólafur Hauksson/Héðinn
Vatnsafl og vélabrögð Hér sést unnið að upptekt vatnsaflsvélar Búrfellsvirkjunar í Steingrímsstöð. Þar má meðal annarra sjá Guðfinn Kristmannsson, merktan Héðni á baki, sem var þáverandi verkstjóri í véladeild fyrirtækisins. Ljósmynd: Hreinn Hreinsson/Héðinn
Héðinn 100 ára
Sendu okkur línu
Fylltu út formið
